زبدة الشيا الافريقية
تجي بنوعين
الفرق بينهم بسيط
زبدة الشيا الصفراء هي نفس العاجية
لكن
أضيف لها لحاء شجر أو جذور
لنبته أسمها “البوروتو”
أثناء الإعداد
وتختلف درجة اللون حسب
كمية الاضافة ونوع جوز الشيا
وهذا اللون
الطبيعي لزبدة الشيا
نفس لون لب الثمرة
نتكلم عن لون زبدة الشيا الصفراء
تجي درجات
بين الرمادي والاصفر والبرتقالي
درجة اللون ماله أي علاقة
بجودة زبدة الشيا .. أبداااا
التجار في بلدان الانتاج
يسوقون للون الاصفر .. ليه!!
إذا زبدة الشيا نوعية رديئة
وطبخ معها الجذور اللي تصبغ
وصارت صفرا .. تختفي العيوب الظاهرة
وما يميز الفرق إلا خبير عند الشراء
اللون العاجي Ivory
هذا لونها الطبيعي
أما ......
إذا كان اللون أبيض زي لون الورق
فهذا يعني أحد أمرين
- أنها زبدة خربانه تعرضت لحرارة أو للشمس وريحتها صارت زي ريحة الخل
- أنها بواقي مصانع التجميل
طيب ..
أيهم أزين ..؟؟
الجذور اللي قلنا عليها
مفيده للشعر والبشرة والأظافر
وغنيه بمضادات الأكسدة
ورهيبة للجروح والحروق
وهي أحد أسرار النتائج المذهلة
لزبدة الشيا
لكن هذا اللون مزعج
بالنسبة لبعض البنات
لانه يصبغ على الملابس
ورائحة الصفراء غالبا
تكون أقوى من العاجية
والغالب ..الغالب
يستخدمون الصفراء للشعر
وخلطات الشعر
أما بالنسبة للزبدة الشيا العاجية
فريحتها أخف من الصفرا
مشكلتها الغش فيها كثير
لان زبدة الشيا في مصانع
منتجات التجميل ( في أوربا وامريكا)
يسحبون المواد الفعاله من الزبدة
واللي يبقى يبيعونه عندهم على أنه
زبدة شيا درجة ثانية ويكون لونه ابيض فاتح
زبدة الشيا العاجية الاصلية
ممتازة للبشرة لان إذا تدهنتي فيها
ما تصبغ على الملابس
وكثير بنات يستخدمونه في الخلطات
لانها ما تلون الخلطة
فيكون لونها كريمي جميل